HISTORIA MUNICIPIO AINARO

Diak, tuir mai ita ba le'e completeu historia kona-ba municipio Ainaro ne'ebe mak desde beiala sira halo ona no ikus mai Ainaro ho historia furak tebes.

  Historia Ainaro

Tuir historia katak distritu Ainaro primeiru ho naran “RAE SUR”  mai hosi bosok ida naran “Inan Sarene” signifika katak hasai etu kanuru ida nan pedasuk ida sura to rai ulun rai ikun, tasi feto no tasi mane,hafoin mosu fali avo nain hitu iha foho ida naran “SURO-LAU”sira nain hitu ne mai hosi rai kuak,entre sira iha ida matan ha’at,matan ha’at ne’e maka sira nia alin ikun,entaun sira nain neen tu’ur hamotuk hodi koalia katak,tenki haruka nia fila selae aban bain rua ita funu kontra nia la bele tamba nia matan ha’at,depois de sira koalia hotu sira hateten ba nia dehan ita laiha ahi atu hodi sunu,entaun sira haruka sira nia alin ikun nebe matan ha’at ne’e, tun hikas ba rai kuak ne hodi foti ahi, hafoin tun ba sira nain neen taka tiha fatuk kuak ne,iha altura ne’eba ida matan ha’at ne’e fila fali tamba mai la diak, no sira nain neen deit maka mai,entaun iha sira nia tempo rai ne’e nia naran “SURO” to fali iha portugues sira tama iha Timor,distrito ne sai hanesan distritu ikus ba portugues sira tama hodi hari posto administrasaun,liu hosi atu hari posto ida ne’e maka iha tinan 1886/1887 tropas portugues nian mai hosi Hatulia no hamotuk ho Rei Nai KAU sira buka fatin tetuk atu hari posto nebe refere hafoin to iha foho ida naran Mamlau sira hateke hetan rai tetuk ida,iha rai tetuk ne so iha deit Au lulik ida ho lian mambae katak”OR LULI” no mos ai naruk ida no ho lian mambae katak”AI-NARO”i malae sira hatete katak ba tau posto ne iha ai naruk ida neba nia hun’ no iha tinan 1888 malae portugues sira haruka ema hari kedas posto ida iha ai hun ne, ho ida ne maka distritu ne nia naran ORLULI AINARO,ema kostume bolu “AINARO”ida ne’e maka historia badak kona ba distrito Ainaro.